Xornadas da Diversidade

O Festival de Cine, como parte das novidades nesta edición, celebrou as primeiras ‘Xornadas audiovisuais da diversidade’, por mor do Ano Europeo do Diálogo Intercultural. A iniciativa ten como obxetivo que os distintos colectivos de inmigrantes en Ourense como os recoñecidos por Cruz Vermella, Asociación Afrolatina, Venezolanos Retornados, Cáritas, Amarante, Amigos da Terra e Galicia, Terra de Acollida, vexan as películas do certame dunha forma gratuita, en espazos da cidade como os cafés Miudiño, Auriense e A Esmorga.

Xornadas da diversidad - ver vídeo

O certame pretende ‘loitar contra o descoñecemento e a desinformación dos países de procedencia dos inmigrantes da cidade’. Así o explicou o director do Festival, Enrique Nicanor, durante a presentación das xornadas, nun acto no que tamén estiveron presentes o tenente de alcalde Alexandre Sánchez Vidal; a concelleira de Cultura, Isabel Pérez, e catro representantes dos colectivos de inmigrantes residentes na cidade e procedentes de Ucraína, China, Marrocos e Ecuador.

Sánchez Vidal explicou que un dos obxectivos do Consorcio do Festival y da Tenencia de Alcaldía ‘é defender a integridade dos inmigrantes, xa que os 4.000 estranxeiros que viven na cidade son parte fundamental do noso progreso’. Puntualizou que a gran maioría dos estranxeiros en Ourense ‘son orixinarios principalmente de Portugal e Marrocos’, e en menor medida de países latinoamericanos coma Arxentina, Colombia e Venezuela.