O director alemán Christian Klandt (Frankfurt, 1978) presentou dentro da actividade ‘Encontros co Público’, na carpa ubicada na explanada do Auditorio, a súa última longametraxe de ficción ‘Welstadt’, na que reflexiona sobre o fenómeno da violencia por parte dos mozos alemáns cara os vagabundos.
A cinta está baseada nun feito real, que sucedeu en 2004 na cidade de Besskow, onde un par de adolescentes bébedos atacaron a un vagabundo prendéndolle lume polo simple feito de non levar obxectos de valor enriba.
Durante a presentación, o director do filme explicou que decidiu crear a modo de ficción esta película, xa que o devandito suceso produciuse na súa cidade natal, polo que puido coñecer persoalmente aos agresores. Sinalou, ademais, que ‘o que ao comezo semellaba ser un feito illado desencadeou que nalgunhas cidades alemanas, os mozos o tomaran coma un exemplo e comezaran a agredir a outros vagabundos’.
No hay comentarios:
Publicar un comentario