Premio Toda Unha Vida ao cineasta cubano Humberto Solás. Os cineastas de Galiza e moi especialmente o Festival de Cine Internacional de Ourense renderon homenaxe a Humberto Solás tralo seu recente finamento. O cineasta cubano de longa e coñecida traxectoria, creador e presidente do Festival de Cine Pobre de Gibara, recibiu a título póstumo o Premio Toda Unha Vida que o Festival de Ourense adxudica a destacados profesionais que dedicaron a súa vida ao cine.
O galardón recolleuno Sergio Benvenuto Solás, que tamén se responsabilizou da difícil tarefa de manter vivo o espírito deste creador e así explicou moi ben "a dualidade do cubano e amosou unha Habana que non se ve, a pobre, a da xente humilde, pero sobre todo, Humberto era un home optimista, deixaba claro que facía cine para transmitir optimismo.
Para Humberto o cine non era unha ferramenta para trasladar a desesperanza, tratase o tema que se tratase. El endexamais fixo cine por cartos ou por política, fixo o que quixo porque quixo, non vivía aterrado. Era un home que puidera ter problemas en calquera lugar do mundo, porque non estaba disposto a renunciar á súa personalidade, nin a deixar de dicir as cousas que cría que debía contar".
No hay comentarios:
Publicar un comentario