Actividades paralelas

Durante a celebración do Festival programouse unha serie importante de actividades paralelas. Xunto co reparto de flocos de millo en Vigo, Santiago e Ourense, víronse polas céntricas rúas da cidade das Burgas distintos performances de animación. Un grupo de actores, caracterizados como personaxes de míticas películas como ‘Os piratas do Caribe’ ou ‘Charlot’, percorreron as rúas desde o Parque de San Lázaro ata a antiga oficina do Festival, interactuando cos peóns e convidando aos ourensáns a ser parte da cita cinematográfica.