Cartas italianas

O director Mario Iglesias e os actores Eloisa Dorsi e Atilano Franco presentaron nos encontros co público e a prensa a cinta ‘Cartas italianas'. A longametraxe galega narra o encontro entre dous mundos opostos desde unha perspectiva poética. Por un lado, o mundo de Eloisa, unha fotógrafa italiana que por mor do traballo chega a illa d'A Palma, e por outro, o mundo de Atilano, un narcotraficante que vai parar ao mesmo lugar para ampliar a rede de tráfico de cocaína.

Iglesias explicou que a principal mensaxe da cinta ‘é ofrecer ao espectador un conto poético cunha estética narrativa’. Respecto á filmación, aclarou que en ningún momento seguiron un guión establecido, pois ‘a rodaxe baseouse na improvisación sen anticiparse ao que ía suceder e sen esquecer o argumento principal’. Os actores Isabel Rey e Atilano Franco explicaron que a ausencia dun guión, permitiulles ser moito máis libres, outorgándolles un formato experimental para poder expresar as súas ideas colaborando no propio desenvolvemento da historia.