O Festival de Cine de Ourense proxectou na súa gala inaugural a película documental galega “Eloxio da distancia”, dirixida e guionizada por Felipe Vega e Julio Llamazares.É a primeira vez que un certame de cine xeralista coma o de Ourense inaugura cun documental de creación, o que indica a liña innovadora que quere introducir o Festival e a súa decidida aposta por potenciar formatos capaces de conquistar o interese do mercado de calidade internacional.
A súa estrutura narrativa descansa sobre catro personaxes e as catro estacións do ano: Raúl, o carteiro (primavera); Carlos, o fotógrafo (verán); Luz, da comuna de Negueira (outono) e Patricia, a veterinaria (inverno). “Eloxio da distancia”, rodada con novas tecnoloxías e en HD, leva á pantalla toda a filosofía profunda da vida dos habitantes das Terras do Burón (provincia de Lugo).
A estrea mundial deste traballo de Brent Entertainment, producido polo galego Julio Fernández, que distribuirá Filmax conta co patrocinio da Dirección Xeral de Turismo e a Consellería de Cultura e Deporte.
No hay comentarios:
Publicar un comentario