A actriz uruguaia Roxana Blanco presentou ao público e á prensa a longametraxe ‘Matar a todos’, do director Esteban Schroeder. Un thriller político no que se desvelan os segredos e crimes de guerra que se planexaban en América desde a Operación Cóndor, un plan de intelixencia entre os servizos de seguridade das ditaduras militares represivas do Cono Sur (Arxentina, Chile, Brasil, Paraguai, Uruguai e Bolivia) contra a esquerda política dos anos 70.
Blanco, quen recibiu recentemente o premio á mellor actriz no Festival d'A Habana, explicou que fai cine para ‘combater o medo a morrer e procurar certa posteridade’, así coma para ‘coñecer de preto as distintas facetas do ser humán’.
No hay comentarios:
Publicar un comentario