Ópticas cruzadas

Ópticas Cruzadas’, é o ciclo do Festival de Cine composto por tres curtas e unha longametraxe, ‘Catro cartas’, ‘Cienfuegos 1913’, ‘A solución é o socialismo’ e ‘O almorzo do poeta’, respectivamente, creados por catro cineastas galegos e outros catro cubanos que pretenden unificar a visión sobre os costumes e o modo de vida de Cuba e Galiza.

Os cineastas galegos Mario Iglesias, Cora Peña, Margarita Ledo Andión e Alberte Pagán, e os directores cubanos Natasha Vázquez, Ernesto Daranas, Belkis Vega e Eduardo Moltó reuníronse a finais de 2007 para crear de xeito conxunto unha serie de producións cinematográficas.

Un proxecto no que colaborou a Axencia Audiovisual de Galiza, e do que o seu director Manuel González, explicou que o antecedente máis achegado entre cineastas de ambos lados do Atlántico está nos anos 20 e no chamado ‘cinema de correspondencia’ entre emigrantes galegos en Cuba e Arxentina, que enviaban ás súas vilas natais gravacións ‘do ben que lles ía e nos que se reflicten os festexos e as comidas familiares’.

Destacan entre os antecedentes a rodaxe da película ‘Gallego’ de 1987, coproducida por Galiza e Cuba e que narra a emigración dun mozo desde unha aldea galega ata a illa caribeña e a longametraxe do director Mario Iglesias, filmada na vola cubana de Gibara, ‘e amosa a vola antes de quedar arrasada en setembro de 2008 por varios ciclóns’.