Foro da Lingua

A Academia Galega do Audiovisual (AGA) celebrou un foro no marco do Festival de Cine de Ourense, no que profesionais de varias comunidades autónomas, Canadá e Gales debatiron sobre a lingua na produción do sector. O foro, titulado ‘A lengua fendida, o audiovisual e o galego’, foi presentado polo seu coordinador, Raúl Veiga, en compaña do director do certame Enrique Nicanor, da xerente da AGA, Marisela Lens, e da representante da Fundación Caixa Galicia, Beatriz Fernández.

Ver vídeo da presentación
A iniciativa centrouse na relación entre a lingua e o sector audiovisual, tanto no relativo ao seu aspecto cultural como á dimensión industrial do sector, xa que, segundo Veiga, ‘constátase a perda de falantes galegos e un retroceso desta lingua entre as novas xeracións’.

Veiga explicou, ademais, que a iniciativa é novidosa pois habitualmente as reflexións en torno á lingua corresponden a lingüistas, sociolingüistas e políticos ‘pero os tres sectores teñen presenza abondosa, polo que decidimos dar a voz aos profesionales do audiovisual’. O foro incluía mesas redondas e conferencias co director de cine de Quebec (Canadá) Denis Chouinard; o director do centro de estudos de cultura de pequenas nacións da Universidade de Glamorgan (Gales) David Barlow, e representantes do audiovisual de Euskadi, Cataluña e Galiza.